திண்டுக்கல் தோமையார்புரத்தில் கால்நடை சிறப்பு மருத்துவ முகாம்
திண்டுக்கல் கால்நடை பராமரிப்பு துறை மண்டல இணை இயக்குனர் ராம்நாத் ஆலோசனையின்படி கால்நடை பராமரிப்புதுறை உதவி இயக்குனர் முகமது அப்துல் காதர் அறிவுரைப்படி மருத்துவர் சரவணகுமார் தலைமையில் சிறப்பு கால்நடை சுகாதாரம் மற்றும் விழிப்புணர்வு முகாம் தோமையார்புரத்தில் நடைபெற்றது. இதில் கால்நடைகளுக்கு கோமாரி நோய் தடுப்பூசி, ஆடுகளுக்கு ஆட்டுக்கொல்லி நோய் தடுப்பூசி மற்றும் சினை பரிசோதனை, சினை ஊசி, குடல் புழு நீக்கம், மலட்டு நீக்க சிகிச்சை, கோழிகளுக்கு வெள்ளை கழிச்சல் தடுப்பூசி, நாய்களுக்கு வெறி நோய் தடுப்பூசி போன்ற ஏனைய மருத்துவ சேவைகள் வழங்கப்பட்டது.
இந்த நிகழ்ச்சியில் சிறந்த கிடேரி கன்றுகள் வளர்த்தவர்களுக்கு பரிசும், சிறந்த கால்நடை வளர்ப்போருக்கு பரிசும் வழங்கப்பட்டது. இந்த முகாமில் கால்நடை உதவி மருத்துவர் சுபா, கால்நடை பராமரிப்பு உதவியாளர் சாவித்திரி மற்றும் சினை ஊசியாளர்கள் மற்றும் பொது மக்கள் பலர் கலந்து கொண்டனர்.
தமிழக குரல் இணையதள செய்திகளுக்காக நத்தம் தாலுகா செய்தியாளர் சுந்தரமூர்த்தி மேலும் தமிழக குரல் இணையதள செய்தி பிரிவு...
No comments:
Post a Comment